मन कितीही जरी झुरे आपले
मन कितीही जरी झुरे आपले
कोण आहे म्हणा खरे आपले !
कोण आहे म्हणा खरे आपले !
हाय, केलीस तू जखम लाघवी
दाखवू मी कसे चरे आपले
ओल गेली कुठे तुझी काळजा
आटले हे कसे झरे आपले
काय झाले म्हणा गुदस्ता तरी ?
वर्ष हेही असे सरे आपले
शब्द येऊ नये जरा वावगा
ओठ ओठावरी बरे आपले
सर्व श्रोते उठून गेले पहा :
श्रेष्ठ, भाषण करा पुरे आपले
.... देवीदास हरिश्चंद्र पाटील
कोणत्याही टिप्पण्या नाहीत:
टिप्पणी पोस्ट करा