अंतरीचे बोल माझ्या ...
अंतरीचे बोल माझ्या ऐकले आहेस का तू ?
कान माझ्या काळजाला लावले आहेस का तू ?
माझिया डोळ्यांतले तू पाहिले आहेस पाणी ...
आतल्या गहिऱ्या व्यथांना पाहिले आहेस का तू ?
माळला आहेस माझा कुंतली प्राजक्त सारा ...
माझिया हळव्या कळ्यांना माळले आहेस का तू ?
मी तुझ्यासाठी जगाशी केवढी केली लढाई !
माझियासाठी जगाला सोडले आहेस का तू ?
जीव मी जो लावला तो जीव होता का फुकाचा ?
सांग प्रेमाला कधी ह्या जाणले आहेस का तू ?
...देवीदास हरिश्चंद्र पाटील
२५.०१.२०२४ संध्याकाळी ०६.३०
.................
कोणत्याही टिप्पण्या नाहीत:
टिप्पणी पोस्ट करा